7 мая день памяти Преподобного Саввы Печерского, Молченской иконы Божией Матери

ПРЕПОДОБНЫЙ САВВА ПЕЧЕРСКИЙ

Преподобный Савва Печерский подвизался в Ближних пещерах Киево-Печерского монастыря в XIII веке. В рукописных святцах, в "Книге о святых" и в каноне службы Киево-Печерским преподобным он называется чудотворцем. Память его совершается 24 апреля ради тезоименитства со святым мучеником Саввой Стратилатом. Память преподобного Саввы празднуется также вместе с собором преподобных отцов Ближних пещер (28 сентября) и собором всех Киево-Печерских чудотворцев (2-я Неделя Великого поста).

 Тропарь преподобных Саввы и Алексия Печерских                                глас 3

Преблаженнии и Богоноснии отцы наши Савво и Алексие,/ яко стяжавший дерзновение ко Господу/ равноангельным своим житием,/ егоже ради обогати Христос/ нетлением и чудесы мощи ваша,/ молим вас прилежно:/ испросите душам нашим очищение/ и велию и богатую милость.

Кондак преподобных Саввы и Алексия Печерских                                   глас 4

Богатство благодати и сыноположения стяжаете/ многими подвиги и добродетельми,/ ихже ради Христос всели души ваша/ в Небесныя селения Своя,/ даровав благодать нетления/ и чудес мощем вашим,/ сего ради вопием вам:/ радуйтеся, Савво и Алексие,/ ликов иноческих похвале и украшение.

Тропарь Пресвятой Богородице пред иконой Ея «Молченской»

Дне́сь све́тло красу́ется сла́вный гра́д Москва́ и в Пути́вле ликова́ние ве́лие, я́ко честву́ют, Богома́ти, ди́вную ико́ну Твою́, ме́дом благода́ти все́х напоя́ющую.

Кондак Пресвятой Богородице пред иконой Ея «Молченской»

Притеце́м, лю́дие, к Влады́чице на́шей Де́ве Богоро́дице, ико́ну бо Свою́ Молче́нскую на́м дарова́, то́ки исцеле́ний источа́ющую, вся́кую по́мощь в душе́вных и теле́сных неду́зех подаю́щую и к жи́зни ве́чной приводя́щую.

Молитва

О, Всемилостивая, человеколюбивая Владычице наша Богородице! Услыши сие немощное моление с любовию и трепетом припадающих к честной и славней Молченской иконе Твоей. Смиренно просим Тя: буди Стена нерушимая стране нашей Российстей, святую Церковь Православную защити от неверия, ересей и расколов. Ты бо еси всесильная христиан Заступница. Всякую душу, к Тебе прибегающую, огради от злаго обстояния, скорби и болезни, удержи от падений греховных, падших возстави к покаянию, страждущих душевными недугами и одержимых злыми духами исцели, подаждь уходящим в жизнь вечную утешение и надежду спасения, и вся потребная к благочестивой жизни даруй. Да славим в Троице Единаго Бога, Отца, и Сына, и Святаго Духа и Твое милостивное предстательство, ныне и присно и во веки веков.