7 февраля день памяти Святителя Моисеяй, архиепископа Новгородского, Иконы Божией Матери, именуемой "Утоли моя печали"

Святитель Моисей, архиепископ Новгородский

Родился в Новгороде, иноческий постриг принял в Тверском Отроч монастыре. По настоянию родителей он перешел в Колмов монастырь близ Новгорода, где был рукоположен в сан иеромонаха, а затем в Юрьеве монастыре возведен в архимандрита. В 1325 г. святитель Петр († 1326 г.) посвятил его в сан архиепископа Новгородского. Но святитель Моисей недолго управлял новгородской паствой, в 1330 г. он уединился в пустынное место, где и провел более 20 лет в иноческих подвигах. Лишь по настоятельным просьбам новгородцев он снова возвратился к своей пастве. Древний летописец так описывает святителя Моисея: «Он пас Церковь свою как пастырь добрый; защищал обиженных, берег бедных вдов; собрав множество писцов, на свой счет написал много книг, многих он утвердил в благочестии своими наставлениями». Вторичное святительство архиепископа Моисея ознаменовалось строительством многих церквей в Новгороде и его окрестностях и основанием четырех обителей.

25 сентября 1362 г. наступила блаженная кончина святителя.

Тропарь святителю Моисею, архиепископу Новгородскому   глас 8

Чистоты́ ра́ди жития́ твоего́,/ поще́ния же и моли́тв и трудо́в,/ сосу́д благопотре́бен был еси́ Влады́це Христу́,/ И́же дарова́ тя ста́ду твоему́,/ я́ко сокро́вище неотъе́млемо, чудесы́ всех обогаща́юща./ Тем и мы, соше́дшеся к ра́це моще́й твои́х,/ ве́рою и любо́вию вопие́м:// моли́ о нас, пречестны́й архиере́ю, Моисе́е о́тче наш.

Кондак святителю Моисею, архиепископу Новгородскому   глас 3

Я́ко венце́м пресве́тлым украси́вся днесь, вели́кий Но́вград/ лику́ет в па́мять па́стыря своего́ и учи́теля,/ и, я́ко диади́му ца́рскую возложи́вши,/ честна́я о́на оби́тель све́тло ра́дуется,/ просла́ви бо тя Бог, уго́дника Своего́,/ и прояви́ после́днему ро́ду на́шему цельбоно́сныя мо́щи твоя́,/ святи́телю Моисе́е,/ Це́рковь же Бо́жия весели́тся,/ созыва́ющи и́нок сосло́вие велегла́сно вопи́ти:/ ра́дуйся, гра́ду твоему́ и оби́тели похвало́// и всея́ Росси́йския страны́ пресве́тлый свети́льниче.

Молитва святителю Моисею, архиепископу Новгородскому

О, свяще́ннейший о́тче, святи́телю Христо́в Моисе́е, па́стырю и учи́телю наш, не отри́ни нас, с ве́рою притека́ющих к моще́м твои́м и твоему́ заступле́нию и те́плою моли́твою тя призыва́ющих, но ско́ро потщи́ся помоли́тися Царю́ ца́рствующих и Го́споду госпо́дствующих, да изба́вит ста́до Свое́ от волко́в, гу́бящих е́, и вся́кую страну́ христиа́нскую огради́ и сохрани́ святы́ми твои́ми моли́твами от мирска́го мяте́жа и тру́са, наше́ствия иноплеме́нник и междоусо́бныя бра́ни, от гла́да же и губи́тельства, пото́па, и меча́, и огня́, и напра́сныя сме́рти, и, я́коже поми́ловал еси́ гряду́щаго ку́плю де́яти от потопле́ния и от разбо́йников, спасл еси́ святу́ю оби́тель твою́, та́ко поми́луй и нас, умо́м, сло́вом и де́лом во тьме грехо́вней су́щих, и изба́ви нас гне́ва Бо́жия и ве́чныя ка́зни, я́ко да твои́м хода́тайством и по́мощию, Свои́м же милосе́рдием и благода́тию, Христо́с Бог ти́хое и безгре́шное житие́ даст нам пожи́ти в ве́це сем и изба́вит нас шу́ияго стоя́ния, сподо́бит же десна́го со все́ми святы́ми. Ами́нь.

Тропарь Божией Матери пред иконой Ее 'Утоли моя печали'   глас 5

Утоли болезни/ многовоздыхающия души моея,/ утолившая всяку слезу от лица земли,/ Ты бо человеком болезни отгониши/ и грешных скорби разрушаеши,/ Тебе бо вси стяжахом надежду и утверждение,// Пресвятая Мати Дево.

Кондак Божией Матери пред иконой Ее 'Утоли моя печали'   глас 6

Не ввери мя человеческому предстательству,/ Пресвятая Владычице,/ но приими моление раба Твоего,/ скорбь бо мя,/ терпети не могу демонскаго стреляния,/ покрова не имам,/ ниже где прибегну, окаянный,/ всегда побеждаем,/ и утешения не имам, разве Тебе, Владычице мира,/ упование и предстательство верных,/ не презри моление мое,// полезно сотвори.

Молитва иконе Богородицы «Утоли мои печали»

Надеждо всем концем земли, Пречистая Дево, Госпоже Богородице, утешение наше! Не гнушайся нас грешных, на Твою бо милость уповаем: угаси горящий в нас пламень греховный и покаянием ороси изсохшая сердца наша: очисти ум наш от греховных помыслов: приими мольбы, от души и сердца со воздыханием Тебе приносимыя. Буди о нас Ходатаица к Сыну Твоему и Богу, и отврати гнев его Матерними Твойми молитвами. Душевный и телесныя язвы исцели, Госпоже Владычице: утоли болезни душ и телес: утиши бурю злых нападений вражеских, отими бремя грехов наших, и не остави нас до конца погибнути, и печалию сокрушенная сердца наша утеши, да славим Тя до последняго издыхания нашего. Аминь.