6 апреля Великий Пяток. Воспоминание Святых спасительных Страстей Господа нашего Иисуса Христа и день памяти Преподобного Захарии монаха, Мучеников Стефана и Петра́ Казанских, Икона Божией Матери «Тучная Гора»

Мученики Стефан и  Петр Казанские

Святые Стефан и Петр были татарами-мусульманами из Казанской земли. В феврале 1552 года Стефан был вылечен от сильной боли в ноге протоиереем Тимофеем. Священника послал в эти земли с поручением митрополит Макарий. Стефан попросил своего исцелителя о крещении. Тимофей наказал ему оставаться верным православному обету даже в случае гонения, и Стефан ответил, что готов умереть за Христа. Вернувшись домой, он исповедал обращение. Татары обвинили его в отступничестве и предали смерти с ужасными мучениями меньше через месяц после крещения – 24 марта 1552 года.

Немного времени спустя другой татарин принял христианскую веру и был крещен с именем Петр. Он был схвачен татарами, которые восстали против воеводы, присланного Иваном Грозным. Петра привели к родителям, которые подтвердили, что их сын был воспитан в мусульманской вере. Петр ответил: «Я не верю в Мухаммеда и признаю своими истинными родителями лишь Отца, Сына и Святого Духа!» Он был предан смерти разъяренной толпой.

Тропарь мучеников Стефана и Петра Казанских   глас 4

Мучеников двоица единонравная,/ Стефане и Петре славнии,/ неверие соплеменников обличивше,/ Христу последовали есте,/ во Святую Троицу веровати всех научающе,/ Еяже ради великия страдания приемше,/ молитеся о нас ко Господу,/ да, избавившеся тьмы греховныя,/ Света явимся общницы невечерняго.

Кондак мучеников Стефана и Петра Казанских   глас 3

Святии страстотерпцы Стефане и Петре,/ Троицы поборницы преизряднейшии,/ мук треволнения и страшную смерть на вечную жизнь пременившии/ во граде Казани страдальчествовавшии,/ ныне же в Небесных чертозех Всецарю предстоящии,/ от всяких нас грехопадений избавити Христа Бога молите,/ Той бо есть верных утверждение.

Тропарь преподобного Захарии, постника Печерского, в Дальних пещерах  глас 3

Постническаго ради твоего жития, блаженне Захарие,/ яко приемый велию на бесы крепость,/ моли и нам техже козней избыти,/ получити грехов прощение/ и велию милость.

Кондак преподобного Захарии, постника Печерского, в Дальних пещерах   глас 1

В постничестве светло яко просиявый/ и бесом страшен яко явивыйся,/ всечестне Захарие,/ укрепи и нас твоими молитвами/ постническое житие имети/ и бесовскаго избавитися злодейства,/ яко да ублажаем тя.

Тропарь   глас 4

Искупил ны еси от клятвы законныя/ Честною Твоею Кровию,/ на кресте пригвоздився, и копием прободся,/ безсмертие источил еси человеком,// Спасе наш, слава Тебе.

Кондак   глас 8

Нас ради Распятаго, приидите, вси воспоим:/ Того бо виде Мария на Древе, и глаголаше:// аще и распятие терпиши, Ты еси Сын и Бог Мой.

Молитва ко Пресвятей Богородице пред иконой «Тучная Гора». О,  всемилостивая Владычице наша Пресвятая Богородице Марие! Призри на ны погибающия рабы Твоя, бехом бо мы мерзкия, бехом бо мы блудныя, бехом бо мы злоречивыя, а паче всего гордыя, ныне же видехом всю мерзость нашу пред очесами Господа и уже несмь достойны предстати пред лицем Его, и токмо Тя Владычице, яко Многомилостивую себе Заступницу призываем. О Мати Божия, во гресех сущих не остави нас. Надеждо наша несумненная, обнови нас в покаянии, возстави ко исполнению заповедей Божиих, учини нас в Церкве Святей и сотвори достойными Святаго Причастия Животворящим и Божественным и Страшным Тайнам; Ты бо присно молиши за ны Сына Своего и Бога, вемы яко много бо может моление матернее. И да испроси у Христа Бога здравия нам телесного, и яко Милостивая, облагодати души наша, посли мир и благое поспешение всем ближним нашим, призри на град наш хранимый покровом Твоим, емуже яви скорое заступление от чудотворныя и благолепныя святыя Твоея иконы, юже ныне благодарне лобызаем, и сохрани его и вся инии гради и веси и весь род православный от всяких напрасных бедствий; и отрази ересей нашествие от язык иноплеменных на нас находящия, расколы разори, распри и иныя разделения в Церкви Божией, яко елеем Твоим целебным, любовию нелицемерной умастив, надежно управи, да мирное и благочестивое житие будет в удел нам, и да сподобимся добрыя глаголы от Сына Твоего и Судии нашего слышати под Судом Его правым, Ему же слава и честь и поклонение со безначальным Его Отцем и Всеблагодатным Его Духом ныне и присно и во веки веков. Аминь. Молитва иная К Тебе, Владычице, пред иконою Твоею, во умилении преклонив выю свою гордую, взываю: Се аз, грешный, от несущего к сущему воззван бых, но скоро за моя безчисленыя и мерзкия согрешения вновь в несущее во адовых безднах обращен буду; но из тьмы зловонныя грехов моих молюся Ти, Преблагая: спаси мя, умоли Сына Твоего пождати паки, да не пожрет мя днесь напрасныя смерть, и да по велицей милости Его и при благоприятной Твоей, Пречистая, помощи, обращуся от тьмы к Свету, от самолюбия к боголюбию, от неверия к вере, от зла ко благу, от богомерзости греха к преподобию; аще бо что человеку невозможно бысть, то Богу возможно, и да отныне послужу ко прославлению Сына Твоего, предадя ся всеблагой воле Его, дабы и мне приидти по страшнем судище Христовом ко благим и возлюбленным овцам пажити Его в радость присную и жизнь вечную. Аминь.