МУЧЕНИКИ БЕССРЕБРЕНИКИ КОСМА И ДАМИАН АРАВИЙСКИЕ

Воспоминаемые церковью 17 октября, мученики и бессребреники Косма и Дамиан были современники бессребреникам римским. Родина их — Аравия. Подобно соименным бессребреникам, они занимались врачебною наукой, но наука немного помогала им при врачевании болезней. Получив от Бога благодать чудотворений, они врачевали недуги людей именем Христа—Спасителя.

Как скоро слух о чудесах и учении их достиг до игемона Лисия. тотчас приказано было взять их. Приведенные в Киликию, они были представлены игемону. Расспросив о вере, именах и отечестве, игемон приказал им принести жертву идолам. Когда же они не хотели исполнить приказание его и даже дерзновенно исповедали свою веру во Христа, он велел бить их без милосердия. а потом связанных бросить в море.

Но Господь спас их от потопления. Ангел разрешил их узы и совершенно здоровых вывел на сушу. Это чудесное спасение было приписано чародейству.

— Скажите мне — вопрошал их игемон, — каким это чародейством вы спаслись от моря? И я хочу подражать учению вашему.

— Мы христиане — отвечали мученики, — никаких чарований не знаем, имеем одну только силу Христову, которая спасает нас от всех бед.

Раздраженный игемон не хотел более говорить и велел заключить их темницу. На другой день он приказал бросить их в огонь.

Но Господь и здесь хранил их: огонь потерял естественную силу и не прикасался их.

Игемон дивился, но, не познав Спасающего их, испытал над ними новые казни, но все напрасно. Повесив их, сначала велел бросать в них камни, а потом стрелять из луков, но камни и стрелы отскакивали от тел их, как от стен, и поражали самих мучителей. Не находя более средств для достижения своей цели, игемон приказал обезглавить их мечом. Вместе с ними пострадали еще трое христиан: Леонтий, Анфим и Евтропий.

Все пять мучеников, пострадавшие вместе, были вместе и погребены. Время их страданий с достоверностью неизвестно; несомненно только, что они пострадали в конце III века, в царствование Диоклетиана и Максимиана. Вот, все, что известно об этих святых бессребрениках.

Тропарь безсребреникам и чудотворцам врачам Косме и Дамиану, глас 8

Святии безсребреницы и чудотворцы Космо и Дамиане, посетите немощи наша: туне приясте, туне дадите нам.

Кондак безсребреникам и чудотворцам врачам Косме и Дамиану, глас 2

Благодать приимше исцелений, простираете здравие сущим в нуждах, врачеве, чудотворцы преславнии, но вашим посещением ратников дерзости низложите, мир исцеляюще чудесы.

Молитва первая безсребреникам и чудотворцам врачам Косме и Дамиану

К вам, святии безсребреницы и чудотворцы Космо и Дамиане, яко к скорым помощником и теплым молитвенником о спасении нашем мы, недостойнии (имена), преклонше колена, прибегаем и припадающе усердно вопием: не презрите моления нас грешных, немощных, во многая беззакония впадших, и по вся дни и часы согрешающих. Умолите Господа, да пробавит нам, недостойным рабом Своим, великия и богатая Своя милости: избавьте нас от всякия скорби и болезни, вы бо прияли есте от Бога и Спаса нашего Иисуса Христа неоскудную благодать исцелений, ради твердыя веры, безмезднаго врачевания и мученическия кончины вашея. Ей, угодницы Божии, не престайте молящеся за ны, с верою к вам притекающия: аще бо по множеству грехов наших и несмы достойни милосердия вашего, обаче вы, вернии подражателие человеколюбия Божия суще, сотворите, да принесем плоды достойны покаяния, и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа и Пречистую Матерь Его, и ваше теплое заступление, всегда, ныне и присно, и во веки веков. Аминь.

Молитва вторая безсребреникам и чудотворцам врачам Косме и Дамиану

О чудотворцы славнии, врачеве безмезднии, Космо и Дамиане! Вы от юности Христа Бога возлюбивше и Того повеления всем сердцем соблюдающе, аще и вдасте себе учению врачебному, но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких неисцельных недугов от Бога прияли есте. Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Темже ныне и нас, припадающих к вам пред честною иконою вашею, скоро услышите.

Тропарь святителю Андрею, архиепископу Критскому, глас 4

Христову Церковь цевницею языка твоего, песнословя умильно, возвеселил еси, богословием же Препетыя Троицы славу всем сказал еси ясно, тем тя, яко тайноглагольника, поем, Андрее, пастырю Критский, и величаем память твою, Христа славяще дивнаго во святых Своих.

Кондак, святителю Андрею, архиепископу Критскому глас 2

Вострубив ясно Божественная сладкопения, явился еси светильник мира светлейший, светом сияя Троицы, Андрее преподобне. Темже вси вопием ти: не престай моляся о всех нас.

Молитва святителю Андрею, архиепископу Критскому

О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Андрее! Предстоя у престола всех Царя и наслаждаяся света Единосущныя Троицы и херувимски со Ангелы возглашая песнь трисвятую, великое же и неизследованное дерзновение имея ко Всемилостивому Владыце, моли спастися паствы Христовы людем, благостояние святых церквей утверди, архиереи благолепием святительства украси, монашествующия к подвигом добраго течения укрепи, град сей и вся грады и страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старые утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели, и везде тепле призывающия тя и с верою притекающия к тебе от всяких напастей и бед ходатайством твоим свободи. Моли о нас (имена) всещедраго и человеколюбиваго Христа Бога нашего, да и в день страшнаго пришествия Его от шуияго стояния избавит нас и радости святых причастники сотворит со всеми святыми во веки веков. Аминь.

Молитва иконе Богородицы "Прежде Рождества и по Рождестве Дева"

О Пресвятая Госпоже Владычице Богородице! Вышши еси всех Ангел и Архангел и всея твари честнейши: Помощница еси обидимых, ненадеющихся надеяние, убогих заступница, печальных утешение, алчущих кормительница, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице Владычице! Милостию Твоею спаси и помилуй страну нашу православную, преосвященныя митрополиты, архиепископы и епископы, и весь священнический и иноческий чин, военачальники, градоначальники и христолюбивое воинство, и доброхоты, и вся православныя христианы ризою Твоею честною защити: и умоли, Госпоже, из Тебе без Семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О Всемилостивая Госпоже Владычице Богородице! Воздвигни нас из глубины греховныя, и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от внезапныя смерти, и от нападения вражия, и от тлетворных ветр, и от смертоносный язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению: и сподоби ны, грешныя рабы Твоя, Царствия Сына Твоего, Христа Бога нашего, яко держава его благословена и препрославлена, со Безначальным его Отцем, и Пресвятым и Благим и Животворящим его Духом, ныне и присно и во веки веков. Аминь.

Молитва иконе Богородицы "Прежде Рождества и по Рождестве Дева"

О Пресвятая Госпоже Владычице Богородице! Вышши еси всех Ангел и Архангел и всея твари честнейши: Помощница еси обидимых, ненадеющихся надеяние, убогих заступница, печальных утешение, алчущих кормительница, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице Владычице! Милостию Твоею спаси и помилуй страну нашу православную, преосвященныя митрополиты, архиепископы и епископы, и весь священнический и иноческий чин, военачальники, градоначальники и христолюбивое воинство, и доброхоты, и вся православныя христианы ризою Твоею честною защити: и умоли, Госпоже, из Тебе без Семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О Всемилостивая Госпоже Владычице Богородице! Воздвигни нас из глубины греховныя, и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от внезапныя смерти, и от нападения вражия, и от тлетворных ветр, и от смертоносный язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению: и сподоби ны, грешныя рабы Твоя, Царствия Сына Твоего, Христа Бога нашего, яко держава его благословена и препрославлена, со Безначальным его Отцем, и Пресвятым и Благим и Животворящим его Духом, ныне и присно и во веки веков. Аминь.

Тропарь Божией Матери пред иконой Ее Избавительница глас 4

Яко пресветлая звезда,/ просил Божественными чудесы/ святый образ Твой, Избавительнице,/ лучами благодати и милосердия Твоего/ озарив в нощи скорбей сущих./ Подаждь убо и нам, Всеблагая Дево,/ избавление от бед,/ исцеление недугов душевных и телесных,/ спасение и велию милость.

Божией Матери пред иконой Ее Избавительница глас 8

Ко иконе Твоей, Пресвятая Госпоже,/ бедствовавшии с верою притекше,/ заступлением Твоим избавишася от злых,/ но яко Матерь Христа Бога,/ и нас свободи от лютых обстояний,/ временных и вечных, да зовем Ти:/ радуйся, Избавительнице наша от всех бед.

Молитва. О Мати Божия, помоще наша и защито, присно буди нам избавительница, на Тя бо уповаем и всегда вседушно Тя призываем, умилосердися и помози, пожалей и избави, приклони ухо Твое и наша скорбныя и слезныя молитвы приими, и якоже хощеши успокой и обрадуй нас, любящих Твоего возлюбленнаго Сына, Ему же слава, честь и поклонение, со Отцем и Святым Духом, во веки веков.Аминь.