3 июля день памяти Святителя Мины, епископа Полоцкого, Святителя Гурия, архиепископа Казанского и Свияжского, Иконы Божией Матери Моденская - Косинская

Святитель Мина, епископ Полоцкий

Свя­ти­тель Ми­на, епи­скоп По­лоц­кий, дол­гое вре­мя под­ви­зал­ся в Ки­е­во-Пе­чер­ском мо­на­сты­ре. 13 де­каб­ря 1105 го­да он был хи­ро­то­ни­сан во епи­ско­па По­лоц­ко­го. Имя свя­ти­те­ля Ми­ны во­шло в служ­бу Ки­е­во-Пе­чер­ским свя­тым от­цам, так как до воз­ве­де­ния в сан епи­ско­па он нес по­слу­ша­ние в этой оби­те­ли. Упо­ми­на­ние о нем со­дер­жит­ся в Ки­е­во-Пе­чер­ском Па­те­ри­ке. Свя­ти­тель Ми­на из­ве­стен как один из пер­вых рус­ских ар­хи­пас­ты­рей, про­дол­жив­ших бла­го­дат­ное рас­про­стра­не­ние ве­ры Хри­сто­вой по­сле Кре­ще­ния на­шей зем­ли.

Тропарь на перенесение мощей свят. Гурия, архиепископа Казанского глас 4

Яко крин благовонный мироточивыя твоя мощи/ от вертограда Церкве Спасовы/ в вертоград Церкве Богородичны честне принесошася,/ святителю Гурие,/ яко же бо дар честен,/ тя даровав Христос Пречистей Матери Своей,/ и исполнися храм Ея святый благоухания твоего,/ и возрадовася архиерейский престол,/ приемый тя, первоседателя своего./ Возвеселися же собор верных со святителем и священноначальники/ о преславном цельбоносных твоих мощей пренесении,/ еже мы радостно празднующе, молим тя,/ угодниче Божий:/ моли Христа Бога/ подати душам нашим мир и велию милость.

Кондак свят. Гурия, архиепископа Казанского   глас 4

Чувственный страсти победив,/ чистотою, яко солнце, возсиял еси,/ чисто житие до конца сохранив,/ и от неверия в веру многих ко Христу привел еси,/ того ради от Бога нетлением почтен,/ чудесы твоими вся удивил еси./ Молим убо тя, святителю Гурие,/ молитвами твоими от бед избави нас, да зовем ти:/ радуйся, отче предивный, граду Казани похвале и утверждение.

Молитва свят. Гурию, Казанскому и Свияжскому чудотворцу

Святителю отче Гурие, предстоя священной раке многоцелебных мощей твоих, молим тя усердно быти всегда и везде нашим ходатаем, заступником и покровителем. Исходатайствуй пастве твоей мир, тишину, благоденствие, здравие и спасение. Буди постоянным нашим заступником от всех врагов, видимых и невидимых: покрывай нас от нахождения всех бед, напастей и скорбей, паче же от искушений врага темнаго. Предстоящим же зде и молящимся испроси у Господа Бога вся, яже ко спасению своему они просят у Него в своих нуждах и скорбях, да все мы с тобою прославляем всесвятое имя Отца и Сына и Святаго Духа, ныне и присно, и во веки веков. Аминь.

Тропарь Мины Полоцкого, глас 1:

Киевских подвижников достойный наследниче, / престолом Полотские Cофии возвеличенный, / граду и людем помощник являешися, / святителю отче наш Мино. / Слава Давшему тебе благодать, / слава Венчавшему тя, / слава Действующему тобою Спасителю Богу.

 Тропарь, глас 4:

веры, и образ кротости, / воздержания учителя / яви тя стаду твоему, /яже вещей истина. / Сего ради стяжал еси смирением высокая, / нищетою богатая: / отче священноначальниче Мино, / моли Христа Бога / спастися душам нашим.

Тропарь священномученика Мефодия   глас 1

Кровь твоя, мудре, тайно вопиет от земли,/ якоже Авелева к Богу,/ богомудре святителю Мефодие,/ ясно проповедавый Божие вочеловечение./ Темже и посрамил еси Оригенову лесть,/ и преставился еси в Небесный чертог./ Моли Христа Бога,// да спасет души наша.

Кондак священномученика Мефодия   глас 4

Священнотаинник Святыя Троицы,/ и яже паче ума повелений Божественных проповедник,/ и православным утверждение был еси, Мефодие,/ злославныя обличил еси смыслы,/ правоверия ради кровию твоею священномученик явлься,/ и Христу со Ангелы предстоя,// моли спастися нам.

Молитва к Пресвятой Богородице перед Ея иконой, именуемой «Косинская» (Моденская)

О Премилостивая и Пречудная Света Умнаго Царице! Достойно славимая и праведно от всех горних чинов ублажаемая, яко без сравнения их , Бога и Творца всяческих рождшая. Благодарим Тя о всех благодеяниях Твоих, яже благоволила еси явити нам преславным принесением чудотворныя Твоея иконы. Кое благохваление пришествию Твоему сотворим, недоумеваем, точию удивляемся, величающе Твое милосердие, еже на нас показала еси. Темже мы, грешнии, со страхом и радостию припадающе к цельбоносней ико­не Твоей, благодарственно во­пием Ти: О Всесильная рода нашего Помощнице! Услыши нас, молящихся Тебе, и яви милость Твою; се бо, на Пречистый образ Твой взирая, яко живей Ти с нами Сущей, молим Тя усерд­но: не помяни множества грехов наших, но исполни во благих прошения, даруй нам вся потре6ная к животу и благочестию, избави нас от скорбей, бед и всяких болезней, наипаче же от смертоносныя язвы и пагубы, от навета злых человек и всякаго обстояния. Соблюдай и спасай нас благодатию Своею, Владычице, от тлетворных учений неве­рия и суеверия, от лукавых совращений. Сохрани нас и Отече­ство наше от всяких крамол, нестроений и злых развращений, врагами веры православной воздвизаемых. Сподоби же нас, Всеблагая Заступнице наша, благочестно житие сие земное совершити, христианскую безболезненную, не постыдную, мирную кончину получити и Небеснаго Царствия наследовати. Да всегда поем, величаем и славим Тя, яко Благую Заступницу рода христианскаго, со всеми угодившими Богу. Аминь.