29 апреля день памяти Мучениц Агапии, Ирины и Хионии Аквилейских, Святой праведной Тавифы, Святого мученика Аврамия Болгарского, Икон Божией Матери Ильинской (Черниговской)и Тамбовской (Уткинской)

Мученицы Агапия, Ирина и Хиония

Мученицы Агапия, Ирина и Хиония были родными сестрами, жившими около города Аквилеи в северной Италии в конце III века. Осиротев еще в юном возрасте, они решили не выходить замуж и вели благочестивый образ жизни. Когда император Диоклетиан посетил Аквилею, он воздвигнул жестокое гонение против христиан, так что в скором времени здесь все тюрьмы оказались переполненными.

Тогда и были схвачены эти три сестры-девушки и преданы различным истязаниям. В богослужении святым мученицам сказано, что они не устрашились ни нападения диких зверей, ни отсечения частей тела, ни других пыток.

Во время их истязаний произошло несколько чудес, но мучители не вразумились. Наконец Агапию и Хионию сожгли на костре, а Ирину пронзили стрелами. Произошло это в 304 году. Тела святых мучениц были похоронены святой Анастасией, прозванной Узорешительницей за то, что она облегчала «узы» — трудности христиан, заключенных в тюрьмы.

Эти три сестры, имели такую крепкую веру в Бога, что не устрашились угроз мучителей, не пожалели своей юности и пострадали за Христа. Они отдали тленную жизнь, чтобы на Небе воспринять нетленную. Теперь они блаженствуют в Царстве вечного света. Их молитвами Господь да укрепит нас в христианском подвиге.

Кондак мучениц Агапии, Ирины и Хионии   глас 4

Крепко душу, Ирино, ополчила еси верою,/ яве лукаваго посрамивши,/ и ко Христу привела еси тьмы людей множества, блаженная,/ и, порфиру от кровей носящи,/ со Ангелы ныне веселишися.

 Тропарь праведной Тавифы   глас 4

Днесь вера Христова утверждается камнем веры,/ и ликовствует в веселии Иоппия,/ псаломски славословят Жизнодавца Сына Божия вернии,/ видяще совершаемо велие чудо:/ первоверховный апостол глаголет,/ и умершая востает от гроба,/ юже Низложитель смерти дарует Церкви,/ да украшаются во образ ея добродетельми люди./ Приидите убо, христиане,/ принесем ко святей моления наша:/ блаженная Тавифо и милосердная,/ вознеси наша воздыхания Пресвятей Троице/ и молися со дерзновением,/ да сынове Света Превечнаго будем,/ да сподобимся Божия милости,/ да пребываем в любви Божественней,/ и да царствует мир во вселенней.

Кондак праведной Тавифы   глас 4

Ужасахуся Иоппийстии людие, и дивляхуся Ангели Божии,/ егда исцеливый Еннея воззва от мертвых серну нарицаемую, милосердием преукрашенную,/ о нейже к нему взываху вдовицы неимущыя./ И ныне, Тавифо блаженная, услыши молитвы наша, к тебе приносимыя,/ и испроси у всяческих благ Подателя милости и щедроты верным Его,/ да, блажаще тя, вопием ти:/ радуйся, добродетели нас научающая.

Тропарь мученика Авраамия Болгарского   глас 4

Днесь, благовернии людие, сошедшеся,/ восхвалим добляго сего мученика и страдальца Авраамия,/ сей бо, укрепляемь силою Божиею,/ душу свою положи за Христа,/ много пострадав от зловерных болгар./ Сего ради от Господа венец прият/ и ныне предстоит Ему/ и молится о граде сем/ и о всех нас, чтущих память его.

Кондак мученика Авраамия Болгарского   глас 8

Яко многоценное сокровище,/ принесено бысть от Болгарский страны во град Владимир/ пречестное тело твое, мучениче Авраамие,/ имже подавши всем чтущим преславную память твою обилие исцелений,/ предстоя на Небеси Христу Богу/ и моля Его о спасении душ наших.

 Молитва святому мученику Авраамию

Святый мучениче Авраамие, доблий воине Христа, Царя Небеснаго, в скорбех и напастех преславный наш помощниче и защитниче!
Ничтоже возможе отлучити тя от любве ко Господу Иисусу: ни лестная обещания благ временных, ни прещения, ни муки от злых врагов святейшия Христовы веры; ты, яко лев, изшел еси на брань противу волков мысленных, духов злобы, подвигших на тя, ради добраго твоего исповедания, единоплеменный тебе народ болгарский, и, яко огненная стрела, тех поразил еси силою благодати Святаго Духа и крепкия, яко смерть, любве твоей к Богу. Аще и пролиял еси кровь твою за Христа Бога нашего, погубив временную жизнь, обаче безсмертною душею, яко орел, воспарил еси в Гбрния обители Отца нашего, наследовав там вечную жизнь, славу и блаженство неизреченное, и оста вив нам нетленный останки твоя, яко крин многоценный и благоуханный. Веруем, страстотерпче святый, яко, предстоя со Ангелы и всеми святыми Престолу славы Триипостаснаго Бога, усердныя и Богоприятныя возносиши молитвы не токмо о нас и о граде нашем, но и о всей святей Христовой Церкви и православием отечестве Российстем. Веруем, преславный чудотворче, яко ты, силою Всемогущаго Господа Иисуса Христа, чрез святыя мощи твоя, источавши обильныя дары благодатныя помощи во спасение всем, с верою к тебе притекающим, наипаче же испрашивавши кончину с покаянием тебе чтущим и благосердно помогавши немощным младенцем, да вси от мала до велика единодушно прославляем неисповедимое величие благости Божией. Темже верою и любовию ко святым мощем твоим припадающе и благоговейно оныя лобызающе, умоляем тя, добрый на Небеси наш молитвенниче и заступниче: помогай нам, грешным и смиренным, твоими молитвами во всех скорбех, нуждах и обстояниих наших, сохраняй нас и град сей от всякаго зла и всякия напасти, наипаче же споспешествуй вечному спасению нашему и всех, просящих от тебе помощи и заступления. Ей, смиренно молим тя, угодниче Божий: моли Христа Бога нашего, да даст Он мир и тишину всем православным Христианом и да отвратит от нас всякий гнев, на ны движимый, да избавит нас от сетей вражиих, томления во узах греха и мучений адских и да сподобит нас, недостойных, одесную Себе стати на Суде Своем праведном и внити в вечный покой святых Его, идеже празднующих глас непрестанный и неизреченная сладость зрящих доброту лица Его; и тако возможем с тобою и всеми святыми безконечно прославляти Отца, и Сына, и Святаго Духа, Троицу Единосущную и Нераздельную. Аминь.

Молитва к Пресвятой Богородице перед Ея иконой, именуемой  «Черниговская» (Ильинская) 

О, Пресвятая Госпоже, Владычице моя Богородице, небесная Царице, спаси и помилуй мя, грешнаго ра­ба твоего, от напрасным клеветы, от всякия беды и напасти и внезапныя смерти. Помилуй мя в дневных часех, и утренних, и вечерних, и во всякое время сохрани мя: стояща, седяща соблюди, и на всяком пути ходяща, и в нощных часех спяща снабди, покрый и заступи. Защити мя, Влады­чице Богородице, от всех враг моих, видимых и невидимых, и от всякаго злаго обстояния. На всяком месте и на всякое время буди ми, Мати Преблагая, необоримая стена и креп­кое заступление. О, Пресвятая Госпоже Владычице Дево Богородице, приими недостой­ную молитву мою и сохрани мя от напрасныя смерти, и даруй ми прежде конца покаяние. Пресвятая Богородице, спаси нас. Ты мне хранительница жизни всей явися, Пречистая! Ты мене избави от бесов в час смерти! Ты и по смерти упокой! Под твою милость прибегаем, Бо­городице Дево, молений наших не пре­зри в скорбех, но от бед избави нас, едина чистая и благословенная. Пре­святая Богородице, спаси нас. Аминь.

Тропарь Божией Матери пред иконой Ее Тамбовской   глас 4

Днесь светло красуется град Тамбов, / и святитель Христов Питирим радуется. / Сияет бо ныне чудесы икона Твоя, Владычице, / юже из первопрестольнаго града Москвы святитель принесе, / и дивное людем являет Твое заступление, / подающи исцеление всем, с верою к Тебе притекающим. / Темже умильно вопием Ти: / спасай нас иконою Твоею, / Дево Всепетая.

 Кондак Пресвятой Богородице пред иконой Ея «Тамбовской»   глас 3

А́нгели Бо́жии и вси святи́и на Небеси́ ны́не ра́дуются,/ ви́дяще сла́ву Твою́, Пречи́стая Де́во./ Ве́рнии бо лю́дие пред ико́ною Твое́ю/ прино́сят Тебе́ благода́рственныя моли́твы,/ ра́ди ми́лости и щедро́т, явле́нных всем нам,/ наипа́че же гра́ду на́шему./ Потщи́ся, Богоро́дице Де́во,// и в пре́дния дни спаса́ти нас Твои́м заступле́нием.