28 октября Димитриевская родительская суббота, день памяти Преподобного Евфимия Нового, Солунского (Фессалоникийского), иеродиакона, Святителя Иоанна Суздальского, епископа, Иконы Божией Матери "Спорительница хлебов"

Димитриевская родительская суббота

Димитриевская родительская суббота – ближайшая суббота перед днем памяти св. великомученика Димитрия Солунского (26 октября / 8 ноября). Установлена после битвы на Куликовом поле. Первоначально поминовение совершалось по всем воинам, павшим в этом сражении. Постепенно Димитриевская суббота стала днем заупокойного поминовения всех усопших православных христиан.

Тропарь преподобного Евфимия глас 8

В тебе, отче, известно спасеся еже по образу:/ приим бо Крест, последовал еси Христу,/ и дея учил еси презирати убо плоть, преходит бо,/ прилежати же о души, вещи безсмертней,// темже и со Ангелы срадуется, преподобне Евфимие, дух твой.

Кондак преподобного Евфимия глас 2

Волнений множества невлажно преходя,/ безплотныя враги струями слез твоих крепко погрузил еси,/ богомудре Евфимие преподобне,/ и, чудес дар прием,/ исцеляеши страсти всякия,// моли непрестанно о всех нас.

Тропарь святителя Иоанна, епископа Суздальского глас 8

Православия наставниче,/ благочестия учителю и чистоты,/ Суждалю пресветлый светильниче,/ святителем Богодухновенное удобрение, Иоанне премудре,/ учением твоим паству твою просветил еси;/ святителю блаженне, моли Христа Бога спастися душам нашим.

Тропарь святителей Иоанна и Феодора Суздальских глас 8

Яко апостолом единонравных учителей Суждальския страны,/ и целителей душ и телес премудрых,/ и служителей Богу благоприятных,/ к ракам честных мощей ваших притекающе,/ ублажаем вас, святителие Богоблаженнии, Феодоре и Иоанне,/ в песнех же и пениих, радующеся, славим Христа,/ даровавшаго вам благодать исцелений/ и граду нашему Суждалю великое в вас утверждение.

Кондак святителей Иоанна и Феодора Суздальских глас 8

Б ожественных и пречестных святителей Христовых и чудотворцев Иоанна и Феодора,/ вернии, поюще, да ублажим, / яко днесь, в память их притекающе к ракам мощей их, / молим многообразных нас обстояний избавити, да вопием вам:/ радуйтеся, граду нашему и Церкви Христовей великое утверждение.

Тропарь Божией Матери пред иконой Ее Спорительница хлебов глас 3

Пречистая Дево Марие, Мати Царя небеси и земли,/ благоутробно призираеши на любящих Сына Твоего, Христа Бога нашего,/ и труждающихся во имя Его вечнаго ради спасения,/ и подаеши им вся обильно к наслаждению./ Спорительнице сущи хлебов им,/ избавляя их всякия нужды и утеснения,/ и устрояя им, рабом Твоим сущим, избавление вечныя муки и жизнь вечную.

Молитва Божией Матери пред иконой Ее Спорительница хлебов

О, Пресвятая Дево Богородице,  Премилостивая Владычице, Царице Небесе и земли, всякаго дома и семейства христианскаго Благоустроительнице, труждающихся благословение, нуждающихся неистощимое богатство, сирых и вдовиц и всех людей Кормительнице! Питательнице наша, рождшая Питателя Вселенныя и Спорительнице хлебов наших, Ты Владычице, ниспосылаеши Твое Матернее благословение градом нашим, селам и нивам и коемуждо дому, на Тя упование имущему. Темже с благоговейным трепетом и сокрушенным сердцем смиренно молим Тя: буди и нам, грешным и недостойным рабом Твоим, мудрая Домостроительнице, житие наше добре устрояющая. Всякое же сообщество, всякий дом и семейство во благочестии и православии, единомыслии, послушании и довольстве соблюди. Нищия и неимущия пропитай, старость поддержи, младенцы воспитай, всех вразуми преискренне взывати ко Господу: «Хлеб наш насущный даждь нам днесь». Сохрани, Пречистая Мати, люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Обители нашей (веси), домам и семействам и всякой души христианстей и всей стране нашей исходатайствуй мир и велию милость, да славим Тя, Премилостивую Питательницу и Кормительницу нашу, ныне и присно, и во веки веков. Аминь.