22 декабря день памяти Пророчицы Анны, матери пророка Самуила, Иконы Божией Матери, именуемой "Нечаянная Радость"

Святая Анна Пророчица, мать пророка Самуила

 «Был один человек из Рамафаим-Цофима, с горы Ефремовой, имя ему Елкана, – повествует Библия. – У него были две жены: имя одной Анна, а имя другой Феннана; у Феннаны были дети, у Анны же не было детей». Вот однажды, придя в Силом для поклонения святой скинии, Анна про себя помолилась ко Господу, дав обет, что если Бог пошлет ей сына, она отдаст его в храм. Бывше же на ступенях храма и священник Илий. Видя, как женщина стоит у дверей и шевелит губами, не произнося ни слова, он сначала подумал, что она пьяна. «Нет, я не пьяна, – сказала Анна, – но изливаю душу свою Господу». «Иди, даст тебе Господь по слову твоему», – сказал Илий.

И вскоре Анна зачала сына. И назвали его Самуил, что означает «испрошенный у Бога». Выкормив его, она пришла вновь в Силомский храм и, обращаясь к священнику Илию, сказала: «О сем дитяте молилась я, и исполнил мне Господь прошение мое. И я отдаю его Господу на все дни жизни его». Самуил стал последним судией израильским и пророком. Анна же родила мужу еще трех сыновей и двух дочерей.

Тропарь праведным 

 Богоприимцу   и Анне Пророчице   глас 1

Ра́дуйся, Богоприи́мче ста́рче Симео́не,/ во объя́тия прие́мый Спа́са Го́спода./ Весели́ся и ты, честна́я проро́чице А́нно,/ возвести́вши прише́ствие в мир Христа́ Бо́га на́шего,/ сокруши́вшаго держа́ву вра́жию// и подаю́щего нам ве́лию ми́лость.

Кондак праведным Симеону Богоприимцу и Анне Пророчице   глас 8

Во избра́нных Бо́жиих, блаже́нне ста́рче Симео́не,/ на Небеси́ предстои́ши пред лице́м Христа́ Бо́га,/ Его́же во хра́ме, я́ко Младе́нца руконоси́маго,/ во объя́тия своя́ от всепречи́стых рук прия́л еси́/ и со А́нною проро́чицею я́ко Бо́га испове́дал еси́./ Те́мже похва́льными гла́сы ублажа́ем вас:/ ра́дуйся, Богоприи́мче ста́рче Симео́не,/ ра́дуйся, проро́чице честна́я А́нно,// ра́дуйтеся, Бо́га во пло́ти позна́вшии.

Молитва перед иконой «Нечаянная радость».О, Пресвятая Дево, Всеблагаго Сына Мати Всеблагая, града и святаго храма сего Покровительнице, всех сущих во гресех, скорбех, бедах и болезнех верная Предстательнице и Заступнице! Приими молебное пение сие от нас, недостойных рабов Твоих, Тебе возносимое, и якоже древле грешника, на всяк день многажды пред честною иконою Твоею молившагося, не презрела еси, но даровала еси ему нечаянную радость покаяния и преклонила еси Сына Твоего многим и усердным к нему ходатайством ко прощению сего грешнаго и заблудшагося, тако и ныне не презри моления нас, недостойных рабов Твоих, и умоли Сына Твоего и Бога нашего, да и всем нам с верою и умилением покланяющимся пред цельбоносным образом Твоим, дарует нечаянную по коегождо потребе радость: пастырем церковным - святую ревность о спасении пасомых; грешником, погрязшим во глубине зол и страстей - вседейственное вразумление, покаяние и спасение; сущим в скорбех и печалех - утешение; обретающимся в бедах и озлоблениях - совершенное сих избытие; малодушным и ненадежным - надежду и терпение; в радости и довольстве живущим - непрестанное Благодетелю Богу благодарение; бедствующим - милосердие; сущим в болезни и долгонедужии и оставленным врачами - нечаянное исцеление и укрепление; иждившим от недуга ум - ума возвращение и обновление; отходящим в вечную и нескончаемую жизнь - память смертную, умиление и сокрушение о гресех, дух бодр и твердую на милосердие Божие надежду. О, Госпоже Пресвятая! Умилосердися ко всем, чтущим Всечестное имя Твое, и всем яви всемощный покров Твой и заступление; во благочестии, чистоте и честнем жительстве пребывающия до последняго их скончания во благости соблюди; злыя благи сотвори; заблудший на путь правый настави; всякому делу благому и Сыну Твоему угодному споспешествуй; всякое дело злое и богопротивное разруши; в недоумении и трудных и опасных обстояниих обретающимся незримую помощь и вразумление с небесе низпосли; от искушений, соблазнов и погибели спаси; от всех злых человек и от врагов видимых и невидимых защити и сохрани; плавающим сплавай; путешествующим спутешествуй; сущим в нужде и гладе буди Питательница, неимущим крова и пристанища буди Покров и Прибежище; нагим подаждь одеяние; обидимым и от неправд страждущим - заступление; клевету, поношение и хуление терпящая незримо оправдай; клеветники и хулители пред всеми обличи; ожесточенно враждующим нечаемо подаждь примирение, а всем нам - друг ко другу любовь, мир и благочестие и здравие с долгоденствием.

Супружества в любви и единомыслии сохрани; супруги, во вражде и разделении, умири, соедини друг ко другу и положи им союз любве неразрушимый; матерем, дети родящим, скорое подаждь разрешение; младенцы воспитай, юныя уцеломудри, отверзи ум к восприятию всякого полезного учения, страху Божию, воздержанию и трудолюбию настави; от домашния брани и вражды единокровных миром и любовию огради. Безматерних сирот буди Матерь, от всякого порока и скверны отврати я и всему благому и Богоугодному научи; прельщенныя же и во грех и нечистоту впадшия, скверну греха отъявши, из бездны погибели изведи. Вдов буди Утешительница и Помощница, старости буди жезл. От внезапныя смерти без покаяния всех нас избави, и всем нам христианскую кончину живота нашего, безболезненну, непостыдну, мирну и добрый ответ на страшном судищи Христово даруй. Преставлешияся в вере и покаянии от жития сего со ангелы и всеми святыми жити сотвори; скончавшимся внезапною смертию милостива быти Сына Твоего умоли и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица; да ecи на небеса и на земли ведят Тя, яко твердую и непостыдную Предстательницу рода христианского, славят Тя и Тобою Сына Твоего со Безначальным Его Отцом и Единосущным Его Духом, ныне и присно и во веки веков. Аминь.