22 августа день памяти Собора Соловецких святых

Собор Соловецких святых

Тропарь Собору Соловецких святых, глас 4

Взыску́юще Христа́ вожделе́ннаго би́сера во страну́ полу́нощную востекли́ есте́, и по́двигом первонача́льников Солове́цких поревнова́вше, леса́ и пусты́ни облагоуха́ли есте́ свои́ми Богоуго́дными моли́твами. Тем же и Христо́с вас просла́ви, и мы вам вопие́м: вси святи́и Солове́цтии, моли́те Бо́га спасти́ся душа́м на́шим.

Кондак Собору Соловецких святых, глас 3

Духо́внаго жи́тельства жела́юще, устреми́стеся в суро́выя о́стровы Беломо́рия, и безбе́дно преплы́вше жите́йское мо́ре, собла́знов мирски́х избего́сте и в ра́дости ве́лией водвори́стеся. Непреста́нным у́мным восхожде́нием Бо́га дости́гли есте́ и нас у́чите небе́сному восхо́ду.

Собор Соловецкихсвятых

Молитва Собору Соловецких святых, чудотворцев

О Божественный полче, Небеснии  Христа Бога, преподобнии и богоноснии отцы Соловецтии! Вы первее ралом евангельских учений души своя плодоносны явили есте, послежде и неплодную пустыню сию, яко благоцветущий рай соделали есте. И явилися есте жертвы благоприятныя Богу, преобразившеся умным деланием, во Свете Невечернем узрели есте будущей жизни славу. И Божественным огнем души своя возжегосте, востекли есте в Сион Горний и Нетварнаго Света причастилися есте. Темже и нам, на земли сущим, ходатайству; даете душам спасение, земных плодов изобилие, времена мирна, блага. Да и мы, недостойнии, направляемии вашими молитвами поне, на конец нашего многомятежнаго жития, возлюбим вечное паче временнаго, и в свой единодесятый час поработаем с усердием Небесному Домовладыке Христу, и услышим Его благоуветливый глас: "Приидите, наследуйте уготованное вам Царство от сложения мира". И мы с сердечным благодарением пролиемся слезами неизреченной радости и восхвалим Великое и Достопоклоняемое Имя Отца и Сына и Святаго Духа ныне, и присно, и во веки веков. Аминь.