21 ноября Собор Архистратига Михаила и прочих Небесных Сил бесплотных; Архангелов Гавриила, Рафаила, Уриила, Селафиила, Иегудиила, Варахиила и Иеремиила

Собор Архистратига Михаила и прочих Небесных Сил бесплотных

 Молитва: Господи, Боже Великий, Царю Безначальный, посли, Господи, Архангела Твоего Михаила на помощь рабу Твоему (имя), изъяти мя от враг моих видимых и невидимых! О Господень Архангеле Михаиле, излей миро благостыни на раба своего (имя). О Господень Михаиле Архангеле, демонов сокрушителю! Запрети всем врагом, борющимся со мною, сотвори их яко овцы и сокруши их яко прах пред лицем ветра. О Господень Великий Михаиле Архангеле, шестокрылатый первый Княже и Воеводо Небесных сил, Херувим и Серафим! О чудный Архангеле Михаиле! Буди ми помощь во всем, в обидах, в скорбях, в печалех, в пустынях, на распутиях, на реках и морях тихое пристанище! Избави мя, Великий Михаиле Архангеле, от всякия прелести диавольския, егда услышиши мя грешнаго раба своего (имя), молящегося тебе и призывающего имя твое святое, ускори на помощь мою, и услыши молитву мою. О Великий Архангеле Михаиле! Победи вся противящиеся мне силою Честнаго и Животворящего Креста Господня, молитвами Пресвятыя Богородицы, святых Апостол, святаго Николая Чудотворца, святаго Андрея юродиваго, и святаго пророка Илии, святых великомученик Никиты и Евстафия, Георгия Победоносца, Иоанна Воина, преподобных отец и святых святителей, и мученик и всех святых Небесных Сил.

О Великий Архангеле Михаиле!

Помози мне грешному рабу твоему (имя), избави мя от труса, потопа, огня, меча, напрасныя смерти, от всякаго зла, от врага льстиваго, от бури наносимыя и от лукаваго избави мя, Великий Михаиле Архангеле Господень, всегда, ныне и присно и во веки веков. Аминь.

Тропарь: Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще нас припадающих прилежно и вопиющих: от бед избавите нас, яко чиноначальницы высших сил.

Кондак: Архистратизи Божии, служитилие Божественныя славы, Ангелов начальницы и человеков наставницы, полезное нам просите и велию милость, яко Бесплотных Архистратизи.

Величание: Величаем, величаем тя Святий Архистратиже Божий Михаиле, Архангели и Ангели, и вся Воинства Херувими и Серафими славяще ГОСПОДА. Аминь.

Псалом Архангелу Михаилу

Небеснаго чертога житель, архистратиг бесплотных сил,

Царя небеснаго служитель Архангел Божий Михаил.

Во дни житейской грозной битвы, во дни гоненья и скорбей,

Возносим мы к тебе молитвы и просим помощи твоей.

Покрой нас славой неземною, сияньем дивной красоты.

Сойди бесшумною стопою с лазурной неба высоты.

И властью Богом тебе данной главу ты змия порази.

И водвори ты мир желанный, любовь святую воскреси.

Развей неверья тьму ночную, дорогу к правде укажи,

И веру чистую, святую в сердца холодные вложи.

Услыши нас, небесный житель, Архистратиг небесных сил,

Врага и злобы победитель – Архангел Божий Михаил.

Молитва архангелу Михаилу 

Великий архистратиже Божий Михаиле, победитель демонов, победи и сокруши всех врагов моих видимых и невидимых. И умоли Господа Вседержителя, да спасет и сохранит меня Господь от всех скорбей и от всякой болезни, от смертоносной язвы и от напрасной смерти, о, великий архистратиже Михаиле, ныне и присно  и во веки веков. Аминь.

Молитва архангелу Гавриилу 

О, святый великий архангеле Гаврииле, Божию Престолу предстояй и озарением от Божественного света осиянный, ведением же непостижимых тайн о превечней премудрости Его просвещенный! Всеусердно молю тя, настави мя к покаянию от злых дел и ко утверждению в вере моей, укрепи и огради душу мою от искушений прельстительных, и умоли Создателя нашего о отпущении грехов моих. О, святый великий Гаврииле архангеле! Не презри мене грешнаго, молящегося тебе о помощи твоем и заступлении твоем в веце сем и в будущем, но присно помощник мне явися, да непрестанно славлю Отца и Сына и Святаго Духа державу и твое предстательство во веки веков. Аминь.

Молитва иная 

О, великий архистратиже Божий Гаврииле! Ты еси благовестил Пречистей Деве Марии зачатие Сына Божия. Возвести мне, грешному, страшный день моей смерти и умоли Господа Бога за грешную мою душу. Да простит Госполь грехи мои, и да не удержат мене диаволы на мытарствах. О, великий архангеле Гаврииле! Сохрани меня от всех бед и от тяжких болезней, да славлю всемогущего Бога, Отца и Сына и Святаго Духа, ныне и присно и во веки веков. Аминь.

Молитва архангелу Рафаилу   

О святый великий архангеле Рафаиле, Престолу Божию предстояй! Ты благодатию от всемогущаго Врач душ и телес наших, тебе данною, праведнаго мужа Тавита от слепоты телесныя исцелил еси, и сына его Товию, спутешествуя ему, от злаго духа сохранил еси. Всеусердно молю тя: буди мне путеводитель в жизни моей. Сохрани от всех видимых и невидимых враг, исцели душевныя и телесныя болезни моя, управи жизнь мою к покаянию во гресех и творению добрых дел. О святый великий Рафаиле архангеле! Услыши меня грешнаго молящегося тебе, и сподоби в здешней и будущей жизни благодарити и славити общаго Создателя нашего в безконечныя веки веков. Аминь.

Молитва иная 

О, великий архистратиже Божий Рафаиле! Ты еси путеводитель, врач и исцелитель, руководствуй меня ко спасению и исцели все болезни мои душевные и телесные, и приведи меня ко Престолу Божию, и умоли Его благоутробие за грешную мою душу, да простит меня Господь и сохранит от всех врагов моих и от злых человек отныне и до века. Аминь.

Молитва архангелу Уриилу   

О, великий архистратиже Божий Урииле! Ты еси сияние огня Божественнаго и просветитель помраченных грехами: просвети ум мой, сердце мое, волю мою силою Святаго Духа и настави мя на путь покаяния и умоли Господа Бога, да избавит мя от ада преисподняго и от всех врагов видимых и невидимых, всегда ныне и присно и во веки веков. Аминь.

Молитва архангелу Селафиилу 

О, великий архистратиже Божий Селафииле! Ты молиши Бога за людей верующих, умоли Его благоутробие за меня, грешнаго, да избавит меня Господь от всех бед и болезней и от напрасный смерти и да сподобит меня Господь Царствия Небеснаго со всеми святыми во веки веков. Аминь.

Молитва архангелу Иегудиилу 

О, великий архистратиже Божий Иегудииле! Ты еси ревностный защитник славы Божией. Ты возбуждаешь прославлять Святую Троицу, пробуди и меня лениваго, славить Отца и Сына и Святаго Духа и умоли Господа Вседержителя, да созиждет во мне сердце чисто, и дух прав да обновит во утробе моей, и духом Владычним да утвердит меня покланятися Богу духом и истиною, Отцу и Сыну и Святому Духу, ныне и присно и во веки веков. Аминь.

Молитва архангелу Варахиилу   

О, великий архистратиже Божий Варахииле! Предстоя Престолу Божию и оттоле принося благословение Божие в домы верных рабов Божиих, испроси у Господа Бога милосердия и благословения на домы наша, да благословит Господь Бог и нас от Сиона и от Горы Святыя Своея и умножит изобилие плодов земных и подаст нам здравие и спасение и во всем благое поспешение, на врагов победу и одоление и сохранит нас на многая лета, да единошно славим Бога, Отца и Сына и Святаго Духа, ныне и присно и во веки веков. Аминь.

Иеремиил, Архангел

Молитвы небесным силам

1. Вси святи Небесные бесплотные Силы, удостойте меня вашей силы сокрушать все зло и страсти под ноги мои.

Святии Бесплотные Серафимы, удостойте меня иметь пламенеющее сердце к Богу.

Святии Бесплотные Херувимы, удостойте меня иметь премудрость для славы Божией.

Святии Бесплотные Престолы, удостойте меня различать истину от неправды.

Святии Бесплотные Господства, удостойте меня господствовать над страстями, чтобы дух поработил плоть.

Святии Бесплотные Силы, удостойте меня иметь мужество в исполнении воли Божией.

Святии Бесплотные Власти, удостойте меня иметь силу победы над злом.

Святии Бесплотные Начала, удостойте меня служить Господу Богу в непорочности сердца и дел рук моих.

Святии Бесплотные Архангелы, удостойте меня исполнить волю Господа нашего Иисуса Христа.

Святии Бесплотные Ангелы, удостойте меня руководствоваться над немощными в просвещении их в истине.

2. Святый Архангеле Михаиле, победи всякаго врага и супостата.

Святый Архангеле Гаврииле, вестник Божиих тайн, моли Бога о мне, грешнем, и укрепи мя от лености расслабления.

Святый Архангеле Рафаиле, врачуй недуги души и тела моего.

Святый Архангеле Урииле, сиянием огня Божия просвети мя потемненного.

Святый Архангеле Селафииле, моли Бога о мне и мене к молитве возведи.

Святый Архангеле Иегудииле, утверди мя грешнаго труждатися и ходатайствуй мне воздаяния.

Святый Архангеле Варахииле, благословения Божия подателю, исходатайствуй мне Божиих благодеяний.

Святый Архангеле Иеремииле, из-за скудости добрых дел, положи на весы правосудия Божия слези моего покаяния.