21 декабря день памяти Преподобного Кирилла Челмогорского, Преподобного Патапия Фивского

Краткое житие преподобного Кирилла Челмогорского,

просветителя чуди

Просветитель чуди. Родился в городе Белоозере. Принял постриг в обители преподобного Антония Римлянина († 1147 г.; память 3/16 ав­густа), где шесть лет проходил различные послушания, а затем, после трехлетнего странствования по пустыням, поселился в дикой Карго­польской стороне.

Здесь по указанию свыше он избрал для постоянного пребывания гору Челму. Много скорбей пришлось испытать преподобному Кириллу от чуди, но его светоносная подвижническая жизнь и кроткие наставления расположили многих к принятию Святого Крещения. В конце жизни преподобный Кирилл устроил обитель и храм в честь Богоявления Господня. Преподобный провел на Челмной горе 52 года и скон­чался в глубокой старости, в возрасте 82 лет.

Тропарь преподобного Кирилла Челмогорского                      глас 4

Днесь возсия нам пресветлая память твоя, славне/ яко солнце светозарное,/ лучами благодати озаряющи весь мир/ и тьму нощи злых духов и от нас отгоняющи./ Днесь Небесныя силы святых Ангел, и мирской народ,/ и души праведных мысленно торжествуют, радующеся,/ днесь и мы, грешнии, припадающе, молимся;/ отче преподобне Кирилле,/ Христа Бога моли непрестанно/ спасти град и люди,/ иже любезно тебе почитающия.

Кондак преподобного Кирилла Челмогорского

От юности, преподобне, вся оставль житейская, красная же и лепотная,/и в пустыню вселився, усердно последовал еси Звавшему тебе, преблаженне,/ в трудех же и постех, отче, тело свое изнурил еси,/ отонюдуже тя пастыря Своим овцам добре устрояет всебогатый Господь,/ Кирилле чудодейственниче, моли Христа Бога/ о приходящих с верою и просящих своих согрешений оставление даровати,/ чтущим любовию святую память твою.

Молитва преподобному Кириллу Челмогорскому

О блаженная и пречестная и благодати Святаго Духа исполненная главо, сосуде избранный Святыя Троицы, преподобне отче наш Ки­рилле, услыши нас, грешных, предстоящих ныне пред тобою и умильно молящих тя: помолися о нас, рабех твоих, к Всемилостивому Владыце Иисусу Христу, Богу нашему, и Его рождшей Матери, Владычице нашей Богородице и Приснодеве Марии, еже отпустити нам согрешения наша, яже содеяхом. Вемы бо, отче наш, аще плотию и в перс­ти почиваеши, но духом зде с нами неотступно и невидимо пребываеши, назирая нас и назидая по твоему неложному обещанию, сохраняеши от всяких обстояний. И якоже много дерзновение стяжавый ко Господу постническими твоими подвиги, умоли Его святыми твоими молитвами подати миру мир, Церкви Его Святей — единомыслие, стране — на враги победу, служащим же ти — друг ко другу любовь и согласие и всем людям, притекающим к тебе с верою, испроси у Господа к пользе душевней и телесней милость, мир, благословение, во еже избавитися нам всем в день Судный страшный, шуия части спастися, стати же одесную со избранными Его к наследию Царствия Небеснаго, яко Тому подобает всякая слава, честь и поклонение со Безначальным Его Отцем, и Пресвятым и Благим и Животворящим Его Духом ныне и присно и во веки веков. Аминь.

Тропарь преподобного Патапия   глас 8

В тебе, отче, известно спасеся, еже по образу,/ приим бо крест, последовал еси Христу/ и дея учил еси презирати убо плоть, преходит бо,/ прилежати же о души, вещи безсмертней.// Темже и со Ангелы срадуется, преподобне Патапие, дух твой.

Кондак преподобного Патапия  глас 3

Храм твой, святе, духовное врачевство людие обретше,/ со тщанием к нему приходяще,/ цельбу недугов просят прияти,/ решение же в житии прегрешенных,/ ты бо всех сущих в нуждах предстатель явился еси,// Патапие преподобне