17 апреля день памяти Преподобного Иосифа Многоболезненного, Иконы Божией Матери, именуемой «Герондисса»

Преподобный Иосиф Многоболезненный

Преподобный Иосиф Многоболезненный жил в XIV веке. В тяжелой болезни он обратился с молитвой к Богу и дал обет: если Господь дарует ему здоровье, то он будет служить братии Киево-Печерского монастыря до конца своей жизни. Молитва многоболезненного страдальца была услышана. После выздоровления он поступил в Киево-Печерский монастырь, принял иноческий постриг и стал усердно трудиться в подвигах поста и молитвы и с любовью служить братии. После кончины преподобный Иосиф был погребен в Дальних пещерах.  

Тропарь преподобного Иосифа многоболезненного   глас 8

Слез твоих теченьми пустыни безплодное возделал еси,/ и инее из глубины воздыханьми во сто трудов уплодоносил еси,/ и был еси светильник вселенней, сияя чудесы,/ Иосифе, отче наш,/ моли Христа Бога спастися душам нашим.

Кондак преподобного Иосифа многоболезненного   глас 8

Многолетне страдая в болезнех,/ молитвою и обещанием восприятия иночества/ приял еси здравие от Бога,/ и, неленостно подвизався в Печерстей обители,/ наследил еси неболезненную и вечную жизнь,/ и исцелявши недуги чтущих тя,/ преподобне Иосифе, отче наш.

Кондак, глас 8

 Ко иконе Твоей, Пресвятая Госпоже, бедствовавши с верою притекшее, заступлением Твоим избавишася от злах, но яко Матерь Христа Бога и нас свободи от лютых обстояний, временных и вечных, да зовем Ти: радуйся Избавительнице наша от всех бед

Тропарь, глас 4-й

Яко пресветлая звезда, просия Божественными чудесы святый образ Твой, Избавительнице, лучами благодати и милосердия Твоего озарив в нощи скорбей сущих. Подаждь убо и нам, Всеблагая Дево, избавление от бед, исцеление недугов душевных и телесных, спасение и велию милость.

 Кондак, глас 8

 Ко иконе Твоей, Пресвятая Госпоже, бедствовавши с верою притекшее, заступлением Твоим избавишася от злах, но яко Матерь Христа Бога и нас свободи от лютых обстояний, временных и вечных, да зовем Ти: радуйся Избавительнице наша от всех бед.

Молитва

О Пресвятая Госпоже Владычице Богородице! Вышши еси всех ангел и архангел, и всея твари честнейши: помощница еси обидимых, ненадеющихся надеяние, убогих заступница, печальных утешение, алчущих кормительнице, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице Владычице! Милостию Твоею спаси и помилуй Святейшия Патриархи православныя, Преосвященныя митрополиты, архиепископы и епископы и весь священнический и иноческий чин, и вся православныя христианы ризою Твоею честною защити: и умоли, Госпоже, из Тебе без Семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О Всемилостивая Госпоже Владычице Богородице! Воздвигни нас из глубины греховныя, и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от внезапныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению: и сподоби ны, грешныя рабы Твоя, Царствия Сына Твоего, Христа Бога нашего: яко держава Его благословенна и препрославлена, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.