16 октября день памяти Преподобного Дионисия, затворника Печерского

Дионисий Печерский, Щепа, иеромонах, затворник

Преподобный Дионисий, затворник Печерский, по прозванию Щепа, имел сан пресвитера. В 1463 году во время пасхальной утрени Дионисий обходил с каждением мощи святых угодников в Антониевой пещере. Когда преподобный воскликнул: "Святые отцы и братие! Христос воскресе!", как гром, прозвучал ответ от святых мощей: "Воистину воскресе!" С того дня преподобный Дионисий ушел в затвор и после многих трудов отошел ко Господу. Чудо с преподобным Дионисием засвидетельствовано в 8-й песни общего канона Киево-Печерским святым. Преподобный погребен в Дальних пещерах.  

Тропарь преподобного Дионисия, затворника Печерского, в Дальних пещерах глас 4

Жертву Безкровную приносивый Господеви непорочне / и служивый Ему по званию своему многое время неленостне, / священне Дионисие, / молися о нас, / любовию чтущих тя.

Кондак преподобного Дионисия, затворника Печерского, в Дальних пещерах глас 2

Священнодействовавшаго на земли священнолепно/ и потрудившагося в чину своем добре,/ ныне же на Небесех ликуеши светло,/ священными похваляем тя песньми, Дионисие, и молим:/ моли Христа Бога непрестанно о всех нас.

Величание преподобному Дионисию, затворнику Печерскому, в Дальних пещерах

Ублажа́ем тя, преподо́бне о́тче Диони́сие, и чтим святу́ю па́мять твою́, наста́вниче мона́хов и собесе́дниче а́нгелов.

Молитва Трубчевской иконе

О, Пречистая Госпоже, мира Заступнице, Матерь Всепетая! Воззри милостивно на предстоящия со страхом люди Твоя, верою и любовию припадающих пред чудотворною иконою Твоею. Вонми многоболезненному воздыханию душ наших, призри с высоты святыя Твоея на нас. Се бо грехми погружаемии и скорбми обуреваемии, взирающе на образ Твой честный, яко живей Ти сущей с нами, смиренныя моления из глубины верующих сердец приносим Тебе, Владычице. Молим Тя коленопреклоненно: не отврати лица Твоего от прибегающих к Тебе, буди Ходатаице и Покровительнице за нас, грешных, пред Богом и гнев Его праведный за беззакония наша движимый на ны, скоро умягчи и отврати. Якоже некогда помиловала еси прибегавших к покрову Твоему людей земли Скановой и избавила еси их от смертоносныя язвы. Тако и нас всех, с верою молящихся Тебе, избави от падений греховных, от навета злых человек, от соблазнов мира и искушений, скорбей и бед, и от внезапныя смерти. Вразуми и научи ходити без порока по пути земнаго сего жития, вложи в сердца наша дух страха Божия, дух благочестия, дух кротости, смирения, терпения, непамятозлобия, умягчи злая сердца наша, ниспосли ревность о душах наших и о спасении ближних. Даруй всем нам, молящимся Тебе христианскую кончину жития нашего и добрый ответ на Страшнем Судище Христове. Вручаем бо живот свой Твоему покрову и промышлению, да радостно, всегда поем Тебе со всеми святыми: Радуйся, Благодатная, Радуйся, Обрадованная, Радуйся, Преблагословенная, Радуйся Препрославленная во веки. Аминь.