13 апреля день памяти Святителя Иннокентия, митрополита Московского, апостола Сибири и Америки, Святителя Ионы, митрополита Московского и всея России чудотворца, Иконы Божией Матери "Живоносный Источник"

Святитель Иннокентий, митрополит Московский, апостол Сибири и Америки

Святитель Иннокентий (Вениаминов), митрополит Московский и Коломенский (26.VIII.1797 - 31. III. 1879), прославлен Русской Православной Церковью 6.X.1977.

Родился он в селе Ангинском Иркутской епархии. Апостол Америки и Сибири свое благовестие пронес "даже до края земли": на Алеутские острова (с 1823 г.), на шести наречиях местных племен, на о. Ситху (с 1834 г.), среди колошей (тлинкитов); в отдаленнейшие селения обширной Камчатской епархии (с 1853 г.); среди коряков, чукчей, тунгусов в Якутском крае (с 1853 г.) и Северной Америке (в 1857 г.): в Амурском и Уссурийском крае (с 1860 г.).

Проводя большую часть жизни в путешествиях, святитель Иннокентий перевел на алеутский язык Катехизис, Евангелие, в 1833 г. написал на этом языке одно из лучших творений Православного миссионерства - "Указание пути в Царствие Небесное"; в 1859 г. впервые услышали Слово Божие и Богослужение на своем родном языке якуты. Дважды (в 1860 и 1861 гг.) святитель Иннокентий встречался с Апостолом Японии - святителем Николаем, передав ему свой духовный опыт. Замечательный проповедник, святитель Иннокентий говорил: "Только тот, кто избыточествует верою и любовью, может иметь уста и премудрость, ей же не возмогут противиться сердца слушающих".

Начав апостольские труды приходским священником, святитель Иннокентий завершил их на кафедре Московских первоиерархов (с 5.I.1868 по 31.III.1879). Преданный воле Божией в течение всей жизни, он оставил завет веры своим преемникам, указав на слова пророка: "От Господа стопы человеку исправляются" (Пс. 36, 23).

Тропарь святителя Иннокентия, митрополита Московского   глас 1

Во вся страны полунощныя изыде вещание твое,/ яко приемшия слово твое,/ ихже боголепно научил еси,/ неведущия Христа светом Евангелия просветил еси,/ человеческия обычаи украсил еси,/ Российская похвало, святителю отче наш Иннокентие,/ моли Христа Бога/ спастися душам нашим.

Кондак святителя Иннокентия, митрополита Московского   глас 4

Истинный и наложный учитель был еси:/ заповеданная бо Господам сам сотворив,/ имже учил еси и наказал еси ко благочестию приходящая чада,/ неверныя вразумлял еси познати веру истинную,/ просвещая их святым Крещением./ Сего ради со апостолы радуешися,/ приемля почесть благовестника Христова.

 Молитва святителю Иннокентию

О пастырю добрый и учителю премудрый, образе благонравия всем, благочестно жити хотящим, святителю отче наш Иннокентие! К тебе, яко чада ко отцу, прибегаем и молимся, поминая твою любовь к людем: буди щит несокрушим Святей Церкви Православней и отечеству нашему, архиереи благолепием святительства и премудростию украси, пастырем в служении ревность даруй, монашест­вующия к подвигом добраго течения в послушании утверди, православ­ным христианом веру святую непорочну соблюсти умоли, мир весь предстательством твоим умири. Теплый наш молитвенниче, всероссийский светильниче, просветителю Сибири и Америки, осени горним благословением нас, в скорбех сущих, и подаждь утешение и избавление от болезней душевных и телесных; испроси нам свыше дух кротости, целомудрия, смиренномудрия, терпения и любве, да прочее время жития нашего в вере и покаянии поживем и в жизни вечней благодарне восхвалим прославльшаго тя Господа — Отца, и Сына, и Святаго Духа, Троицу Единосущную и Нераздельную, ныне и присно и во веки веков. Аминь.

 Тропарь святителя Ионы, митрополита Московского и всея России чудотворца   глас 4

От юности твоей весь сам себе Господеви возложив,/ в молитвах, и трудех, и в постех образ быв добродетели,/ отонудуже видев Бог твое благое произволение,/ архиерея тя и пастыря Церкви Своей устрояет./ Темже и по преставлении честное тело твое цело и нетленно соблюдеся,/ Ионо святителю,/ моли Христа Бога да спасет души наша.

Кондак святителя Ионы, митрополита Московского и всея России чудотворца   глас 8

Желанием духовным постническое житие совершив/ и святительства паству приим,/ чистоты ради телесный и тело твое Владыка Христос соблюде нетленно/ и Петру чудотворцу наследника тя содела,/ и того нраву последовал еси,/ и учителя тя Христос Своему стаду дарова,/ идеже лежат целебныя мощи твоя,/ благоухают, яко от кадила благовонна,/ и подают исцеления немощным, верою приходящим,/ святителю Ионо, моли Христа Бога непрестанно о всех нас.

Молитва святителю Ионе, митрополиту Московскому и всея Руси

О, всехва́льный святи́телю Христо́в и чудотво́рче Ио́но! Приими́ сие́ ма́лое моле́ние от нас гре́шных, к тебе́ прибега́ющих, и те́плым твои́м предста́тельством умоли́ Го́спода и Бо́га на́шего Иису́са Христа́, я́ко да, призре́в на ны ми́лостивно, да́рует нам согреше́ний на́ших во́льных и нево́льных проще́ние, и по вели́цей Свое́й ми́лости изба́вит нас от бед, печа́лей, ско́рби и боле́зней душе́вных и теле́сных, обдержа́щих нас; да пода́ст земли́ плодоно́сие, и вся, я́же на по́льзу настоя́щаго жития́ на́шего потре́бная; да да́рует нам сконча́ти житие́ сие́ привре́менное в покая́нии, и да сподо́бит нас гре́шных и недосто́йных Небе́снаго Ца́рствия Своего́, со все́ми святы́ми сла́вити Его́ безконе́чное милосе́рдие, со Безнача́льным Его́ Отце́м и Святы́м и Животворя́щим Его́ Ду́хом, во ве́ки веко́в. Ами́нь.

Молитва вторая святителю Ионе, митрополиту Московскому и всея Руси

О, пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый наш засту́пниче, святи́телю Ио́но, предстоя́ у Престо́ла всех Царя́ и наслажда́яся све́та Единосу́щныя Тро́ицы и херуви́мски со а́нгелы возглаша́я песнь трисвяту́ю, вели́кое же и неизсле́дованное дерзнове́ние име́я ко Всеми́лостивому Влады́це, моли́ спасти́ся па́ствы Христо́вы лю́дем, благостоя́ние святы́х церкве́й утверди́, архиере́и благоле́пием святи́тельства украси́, мона́шествующия к по́двигом до́браго тече́ния укрепи́, ца́рствующий град и вся гра́ды стра́ны до́бре сохрани́ и ве́ру святу́ю непоро́чну соблюсти́ умоли́, мир весь предста́тельством твои́м умири́, от гла́да и па́губы изба́ви ны, и от нападе́ния иноплеме́нных сохрани́, ста́рыя уте́ши, ю́ныя наста́ви, безу́мныя умудри́, вдови́цы поми́луй, си́роты заступи́, младе́нцы возрасти́, плене́нныя возврати́, немощству́ющия исцели́, и везде́ те́пле призыва́ющия тя и с ве́рою припа́дающия и моля́щияся тебе́ от вся́ких напа́стей и бед хода́тайством твои́м свободи́, моли́ о нас Всеще́драго и Человеколюби́ваго Христа́ Бо́га на́шего, да и в день стра́шнаго прише́ствия Его́ от шу́ияго стоя́ния изба́вит нас и ра́дости святы́х прича́стники сотвори́т со все́ми святы́ми во ве́ки веко́в. Ами́нь.

Тропарь священномученика Ипатия, епископа Гангрского   глае 4

Изволением Божественнаго разума/ вперив ум свой в Небесныя обители/ и равно Ангелом житие пожив на земли,/ сего ради мучения красоты венец на своем версе утвердив,/ священномучениче Ипатие,/ моли Христа Бога/ спастися душам нашим.

Кондак священномученика Ипатия, епископа Гангрского   глас 2

Римскому отечеству светильник,/ Богозарными лучами концы светя,/ ныне просвети твое празднество поющия, Ипатие,/ прося свыше мира и грехов оставления,/ молитвами защити ны, Ипатие многострадально.

Тропарь преподобного Ипатия целебника, Печерского, в Дальних пещерах   глас 1

Безначальнаго онаго и тихаго места,/ идеже несть печали, ни воздыхания,/ достигнути, преподобне, желая,/ не дал еси себе зде покоя нимало,/ но присно день и нощь в делех всяких/ и жестоком житии трудолюбно подвизаяся, пребываеши,/ тем желаемого получил уже, Ипатие,/ молися о душах наших.

Кондак преподобного Ипатия целебника, Печерского, в Дальних пещерах   глас 3

Труды ко трудом выну ради Господа прилагая,/ никогдаже обрелся еси празден, Ипатие./ Темже и в лепоту трудолюбив наречеся,/ звание приемь от дел.

Тропарь Божией Матери пред иконой Ее 'Живоносный Источник'   глас 4

Почерпем, человецы,/ цельбы душам и телом молитвою,/ река бо всем предтечет,/ Пречистая Царица Богородица,/ источающи нам чудную воду/ и измывающи сердец черности,/ греховныя струпы очищающи,/ души же освящающи верных// Божественною благодатию.

Кондак Божией Матери пред иконой Ее 'Живоносный Источник'   глас 8

От неистощимыя/ Ты, Источниче богоблагодатный, подаеши ми, точащи, воды/ Твоея благодати,/ приснотекущий паче слова,/ яко бо Слово рождшая паче смысла,/ молютися, ороси мя благодатию, да зову Ти:// радуйся, Водо спасительная.

Молитва. О, Пресвятая Дево, Всемилостивая Госпоже Владычице Богородице, Живоносный Источник Твой, целебные дары на здравие душ и телес наших и на спасение миру точащи, подала еси нам, темже благодарни суще усердно молим Тя, Царице Пресвятая, моли Сына Твоего и Бога нашего дати нам оставление прегрешений и всякой душе скорбящей и озлобленней милость и утешение, и от бед, скорбей и болезней освобождение. Подаждь, Госпоже, храму сему и сим людем покровение (и святей обители сей соблюдение), граду сохранение, стране нашей от напастей избавление и ограждение, да мирное зде поживем житие, и в будущем веце сподобимся видети Тебе Заступницу нашу, во славе Царства Сына Твоего и Бога нашего. Ему же слава и держава со Отцем и Пресвятым Духом во веки веков. Аминь.