12 ноября день памяти Cвятых Апостолов от 70-ти - Тертия, Марка, Иуста и Артема, Озерянской иконы Божией Матери

Cвятые Апостолы от 70-ти: Тертий, Марк, Иуст и Артема

Святый Тертий писал послание апостола Павла к Римлянам, в котором так говорит о себе: «привествую вас в Господе и я Тертий, писавший сие послание»(Рим.16:22). Он был вторым, после Сосипатра⁷⁰¹⁸, епископом в Иконии, где претерпел мученическую смерть.

Святый Марк, племянник Апостола Варнавы, был епископом в Аполлониаде⁷⁰¹⁹, о котором святый апостол Павел вспоминает в послании к Колоссянам: «приветствуем вас Аристарх, заключенный вместе со мною, и Марк, племянник Варнавы, (о котором вы получили приказания: если придет к вам, примите его)» (Кол.4:10).

Святый Иуст был епископом в Елевферополе; святой Артема – в Листрахе⁷⁰²⁰. О последнем воспоминает св.апостол Павел в послании к Титу: «Когда пришлю к тебе Артему, или Тихика, поспеши придти ко мне» (Тит.3:12).

Тропарь апостолов

глас 3

Апостоли святии,/ молите милостиваго Бога,/ да прегрешений оставление// подаст душам нашим.

 Кондак апостолов

глас 2

Божественным светом ум озаривше,/ витийская плетения мудре разористе,/ и языки вся уловивше, апостоли славнии,/ Владыце приведосте,// Троицу Божественную славити научающе.

Тропарь Божией Матери пред иконой Ее Озерянской глас 3

Твоего предстательства уверение/ и милосердия Твоего явление/ икона Озерянская нам, Владычице, показася;/ пред неюже души наша в молитве изливаем/ и верою Тебе вопием:/ воззри, Милосердая, на люди Твоя,/ вся скорби наша и печали утоли,/ утешение благое в сердца наша низпосли/ и спасение вечное душам нашим, Пречистая, испроси.

Кондак Божией Матери пред иконой Ее Озерянской глас 5

Не отрини, о Милосердая Мати,/ слез и воздыханий наших,/ но прошения наша милостивно приимши,/ пред иконою Твоею молящихся людей веру укрепи,/ умилением сердца их исполни и крест земнаго жития носити им помози;/ елика бо хощеши, можеши.

Молитва Божией Матери пред иконой Ее Озерянской

От суеты житейския возникше и ума своего помыслы воедино собравше, ко Твоей, Богородице, иконе очи душ и телес наших воздвизаем, и Тебе взываем сице: не остави, Пречистая, нас немощных во гресех наших растлетися, не попусти злому демону души наши от Сына Твоего в дебри страстей отгнати, но помози нам Того заповеди присно памятовати, да ниже блудным возбешением себе предаем, ниже друг друга злобою угрызаем, но якоже днесь, святыни Твоей предстояще, о исправлении жития нашего ревностию распаляемся, тако и от храма Твоего в домы своя отшедше, сие доброе намерение сохранити потщимся. По сих же и телесныя наша нужды утоли, и горести Твоею молитвою исцели, Всепетая. Вемы, яко подобаше нам паче вся сия благодушне претерпевати и точию о терпении в скорбех Господа просити; но понеже изнемогают в печалех душы наша и помыслы уныния нашу колеблют веру, сего ради в сокрушении сердец к Тебе сице взываем. Якоже безчисленныя болящия страдальцы исцелила еси и скорбящия утешила еси, тако и нас пред чудотворною Твоею иконою припадающих и в скорби Тебе молящихся, услыши, и всех прошения во благое исполни, болящим здравие, скорбящим утешение подающи, во вражде сущим мир от Бога низпосылающи, сомнящимся же веры утверждение. Услыши грешныя рабы Твоя, Пречистая, воздвигни нас на благодарственное Тебе славословие, да умножится вера людей Твоих, да прославится в них Твое заступление, да тако Царствие Сына Твоего посреде нас утвердится; Емуже подобает всякая слава, честь и поклонение, со Безначальным Его Отцем и Пресвятым, и Благим, и Животворящим Духом, ныне, и присно, и во веки веков. Аминь.