11 июня день памяти Святителя Луки, исповедника, архиепископа Крымского, Икон Божией Матери, именуемых "Споручница грешных" и Недремлющее Око

Святитель Лука, исповедник, архиепископ Крымский

В Свято-Троицком соборе, что в Симферополе, покоятся мощи святителя Луки. Архиепископ Лука Войно-Ясенецкиий — весьма уникальная личность: великолепный хирург и священник. Валентин Феликсович Войно-Ясенецкий родился 27 апреля 1877 года в городе Керчи.С раннего детства полюбил рисование, но стать художником ему не было суждено: будущий святитель хотел избрать профессию приносящую пользу людям. В 1898 молодой Валентин Войно-Ясенецкий поступает на медфак Киевского Университета. В то время светлый юноша желал стать земским врачом, чтобы оказывать помощь беднякам. Но с началом русско-японской войны в 1904, Валентин Феликсович отправился на Дальний Восток, где ему предстояло применять навыки хирурга на практике. Операции хирурга Войно-Ясенецкого были успешными, несмотря на их сложность. Одновременно с этим он собирает материал по регионарной анестезии.

1915 г. – выходит в свет книга «Регионарная анестезия», за которую Войно-Ясенецкому присудили премию имени Хойнацкого.
1921 г. – рукоположение во пресвитера. В это смутное время, он становится священником, что не мешает ему усердно работать хирургом и ученым. 
1923 г. – иерей Валентин принимает постриг и становится иеромонахом Лукой, в честь евангелиста иконописца Луки. 31 мая того же года тайно рукоположен во епископа. Вскоре был сослан в Туруханск.
1926 г. – возвращение епископа Луки из ссылки в Ташкент.
1930 г. – арестован и этапирован в Архангельск, где им был открыт сенсационный метод лечения гнойных ран.
1933 г. – освобождение и возвращение святителя Луки в Москву.
1934 г. – издание знаменитых «Очерков гнойной хирургии».
1937 г. – арест и ссылка безбожниками в Красноярск.
1940 г. – работает хирургом в Красноярском эвакуационном госпитале.
1942 г. – возведение в сан архиепископа и назначение на Красноярскую кафедру.
1943 г. - выходит второе издание «Очерки гнойной хирургии», а в 1944-м еще монография «О течении хронической эмпиемы и хондратах». За эти работы святитель Лука был удостоен Сталинской премии I степени.
В 1946 святитель Лука принял Крымскую епархию и приложил много сил для наведения порядка: открывал и восстанавливал церкви, готовил священников.

Тропарь святителю Луке (Войно-Ясенецкому), архиепископу Крымскому, глас 1

Возвестителю пути спасительного, / исповедниче и архипастырю Крымския земли, / истинный хранителю отеческих преданий, / столпе непоколебимый, Православия наставниче, / врачу богомудрый, святителю Луко, / Христа Спаса непрестанно моли / веру непоколебиму православным даровати // и спасение, и велию милость.

Кондак святителю Луке (Войно-Ясенецкому), архиепископу Крымскому, глас 1

Якоже звезда всесветлая, добродетельми сияющи, / был еси святителю, / душу же равноангельну сотворил еси, / сего ради святительства саном почтен был еси, / и во изгнании же от безбожных много пострадал еси / и непоколебим верою пребыв, / врачебною мудростию многия исцелил еси. / Темже ныне честное тело твое, от земных недр обретенное дивно, / Господь прослави, / да вси вернии вопием ти: / радуйся, отче святителю Луко, / земли Крымския похвало и утверждение.

Мо­ли́т­ва свя­ти́­те­лю Луке́, испове́днику, архиепи́скопу Кры́мскому

О все­бла­же́н­ный ис­по­ве́д­ни­че, Свя­ти́­те­лю о́т­че на́ш Луко́, ве­ли́­кий уго́д­ни­че Хрис­то́в! Со уми­ле́­нием прекло́ньше коле́на сер­де́ц на́­ших, и припа́дающе к ра́це чест­ны́х и многоцеле́бных мо­ще́й тво­и́х, я́ко­же ча́­да от­ца́ мо́­лим тя́ все­усе́рд­но: услы́­ши на́с, гре́ш­ных, и принеси́ мо­ли́т­ву на́­шу к Ми́лостивому и Человеколю́бцу Бо́­гу, Ему́­же ты́ ны́­не в ра́­дос­ти свя­ты́х и с ли́ки а́н­гел пред­стои́­ши. Ве́­ру­ем бо, я́ко ты́ лю́биши ны́ то́ю же лю­бо́­вию е́ю­же вся́ бли́жния возлюби́л еси́, пребыва́я на зем­ли́.

Ис­про­си́ у Хри­ста́ Бо́­га на́­ше­го да утвер­ди́т во Свя­те́й Свое́й Правосла́вней Це́рк­ви ду́х пра́­выя ве́­ры и бла­го­че́с­тия: па́стырям Ея́ да да́ст свя­ту́ю ре́в­ность и попече́ние о спа­се́­нии вве́ренных и́м лю­де́й: пра́во ве́­рую­щия соблюда́ти, сла́быя и немощны́я в ве́­ре укрепля́ти, не­ве́­ду­щия наставля́ти, проти́вныя облича́ти. Все́м на́м пода́й да́р коему́ждо благопотре́бен, и вся́ я́же к жи́з­ни вре́­мен­ней и к ве́ч­но­му спа­се́­нию по­ле́з­ная. Гра­до́в на́­ших утвер­жде́­ние, зем­ли́ пло­до­но́­сие, от гла́­да и па́губы из­бав­ле́­ние. Скор­бя́­щим уте­ше́­ние, не­ду́­гую­щим ис­це­ле́­ние, заблу́ждшим на пу́ть и́с­ти­ны возвраще́ние, роди́телем благослове́ние, ча́­дом в стра́се Госпо́днем воспита́ние и науче́ние, си́­рым и убо́гим по́­мощь и за­ступ­ле́­ние.

По­да́ждь на́м все́м твое́ архипа́стырское и свято́е благослове́ние, да то­бо́ю осеня́еми изба́вимся от ко́з­ней лу­ка́­ва­го и избе́гнем вся́­кия вражды́ и нестрое́ний, ере­се́й и раско́лов.

Да́­руй на́м богоуго́дно прейти́ по́прище вре́менныя жи́з­ни сея́, наста́ви на́с на пу́ть веду́щий в се­ле́­ния пра́­вед­ных, из­ба́­ви на́с воз­ду́ш­ных мыта́рств и мо­ли́ о на́с всеси́льнаго Бо́­га, да в ве́чней жи́з­ни с то­бо́ю непреста́нно сла́­вим От­ца́ и Сы́­на и Свя­та́­го Ду́­ха, Ему́­же по­до­ба́­ет вся́кая сла́­ва, че́сть и дер­жа́­ва во ве́­ки ве­ко́в. Ами́нь.

Тропарь Божией Матери пред иконой Ее Споручница грешных   глас 4

Умолкает ныне всякое уныние/ и страх отчаяния исчезает,/ грешницы в скорбех сердца обретают утешения/ и небесною любовию озаряются светло./ Днесь бо Мати Божия простирает к нам спасающую руку/ и от Пречистаго образа Своего вещает, глаголя:/ Аз Споручница грешных к Моему Сыну,/ Сей дал Мне за них руце слышати Мя выну./ Темже людие, обремененнии грехми и скорбьми многими,/ припадите к подножию Ея иконы со слезами, вопиюще:/ Заступнице мира, грешных Споручнице!/ Умоли Матерними Твоими молитвами Избавителя всех,/ да Божественным всепрощением покрыет грехи наша/ и светлыя двери райския отверзет нам,/ Ты бо еси предстательство и спасение рода христианскаго.

Кондак Божией Матери пред иконой Ее Споручница грешных   глас 1

Честное жилище бывшее/ неизреченнаго естества Божественнаго/ выше слова и паче ума/ и грешным еси Споручница,/ подававши благодать и исцеление,/ яко Мати всех Царствующаго:/ моли Сына Твоего/ получити нам милость в День судный.

Молитва Божией Матери

О Владычице Преблагословенная, Защитнице рода христианскаго, прибежище и спасение притекающих к Тебе! Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия, но имам многии образы прежде мене прогневавших Его благоутробие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моей представляя и на толикое Божие милосердие, онех приемшее, взирая, дерзнух и аз, грешный, прибегнути с покаянием ко Твоему благоутробию. О Всемилостивая Владычице, да подаси ми руку помощи и испросиши у Сына Твоего и Бога матерними и святейшими Твоими молитвами тяжким моим грехом прощение. Верую и исповедую, яко Той, Егоже родила еси, Сын Твой, есть воистинну Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистину бо несть человеком иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда и, Тобою умоляя Бога, никтоже оставлен бысть. Того ради молю Твою неисчетную благость: отверзи двери милосердия Твоего мне, заблуждшему и падшему в тимение глубины, не возгнушайся мене, сквернаго, не презри грешнаго моления моего, не остави мене, окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моей; яко да и аз со всеми, получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.

Молитва иконе Богородицы "Недремлющее Око"

О Пресвятая и Преблагая Владычице Богородице, чистейшая Святаго Духа Приемнице и непорочное Слова Божия Святилище! Радуйся, яко Ты еси Радость ангелом и человеком, Сладчайшаго бо Иисуса Христа нашествием Святаго Духа родила еси плотию, и яко младенца Того пеленами повила еси, яко возлюбленнаго Сына млеком питала еси и объимающи лобзала еси. Молим Тя, Великая Владычице: не отрини раб Твоих, сему чудотворному Твоему образу предстоящих и всю надежду свою по Бозе на Тя возложивших: Ты бо еси Надежда и Прибежище наше, Жизнь и Заступление наше, Крепость наша и Отрада. Умоли возлюбленнаго Сына Твоего, еже сохранитися и утвердитися Отечеству нашему и всякой стране христианстей в мире и безмятежии, соблюдатися же непоколебимей святей православней Церкви нашей, неверию искоренитися, ересем и расколом упразднитися, пастырем нашым в ревности укрепитися, еже право правити слово истины. Паки умолй, Госпоже, возлюбленнаго Сына Твоего, да избавит всех нас от всякия нужды, скорби и болезни, да низпослет нам тихое и мирное житие, здравие телесное и душевное спасение, да умирит страждущыя наша и да исцелит сердечныя скорби, да вразумит нас на добрая дела, да очистит умы от помыслов суетных и наставит ко исполнению заповедей Своих, и от вечныя муки даизбавит, и да дарует нам Небесное Царствие, в немже возвеличим Тя, Преславную Владычицу нашу, и прославим Пречестное имя Великаго Бога, Отца и Сына и Святаго Духа, ныне и присно и в бесконечный веки веков. Аминь.