11 февраля день памяти Святителя Лаврентия Печерского, Туровского, затворника, епископа

Преподобный Лаврентий, затворник Печерский

Преподобный Лаврентий, затворник Печерский, епископ Туровский, в Ближних пещерах, сначала подвизался в затворе в монастыре великомученика Димитрия, построенном великим князем Изяславом в Киеве близ Печерского монастыря, а потом перешел в самую Печерскую обитель, прославился даром исцелений. Из Печерского монастыря он был возведен в 1182 году на кафедру Туровскую (Туров - город в Житковичском районе Гомельской области) и был преемником святителя Кирилла Туровского. Скончался в 1194 году. Погребен в Ближних пещерах, память также 28 сентября и во 2-ю Неделю Великого поста.

Тропарь святителя Лаврентия, затворника Печерского, еп. Туровского, в Ближних пещерах   глас 8

Всеблаженне Лаврентие, / затворивый себе Господа ради в месте тесне / и в нем многа лета трудолюбне поживый, / молися о нас ко Господу, / яко да и мы от всякаго греха чувства затворше, / получим отверзение дверей милости Господни в День судный.

Кондак святителя Лаврентия, затворника Печерского, еп. Туровского, в Ближних пещерах   глас 6

Усердие Лавре Печерстей желая от чудес прославления,/ себе же самаго смиряя,/ отреклся еси онаго,/ бедне диаволом мучима, исцелити,/ отслав его ко пещере,/ идеже он исцелившися,/ блаженне Лаврентие,/ прослави с тобою Господа,/ прославляющаго святых Своих.

Молитва

О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Лаврентие! Предстоя у Престола всех Царя и наслаждаяся света единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, благостояние святых церквей утверди: архиереи благолепием святительства украси, монашествующыя к подвигом добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, пленных возврати, немощствующыя и молящияся тебе от всех напастей и бед ходатайством твоим свободи: моли о нас Всещедраго и Человеколюбиваго Христа Бога нашего, да и в день Страшнаго Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.